/ Content / Օրգանական գյուղատնտեսության զարգացումը Հայաստանի...

Օրգանական գյուղատնտեսության զարգացումը Հայաստանի հյուսիսային համայնքներում որպես աղքատության նվազեցման եվ կենսաբազմազանության պահպանության խթան (OFDNA)

Մարտի 3-4-ը Ենոքավան գյուղում և Վանաձոր քաղաքում տեղի ունեցան գիտաժողովներ` «Հյուսիսային Հայաստանում աղքատության դեմ պայքարի և կենսաբազմազանության պահպանության իրականացում՝ օրգանական գյուղատնտեսության զարգացման միջոցով» թեմայով, որի նպատակն էր հասարակությանը իրազեկել ծրագրի մասին, ծանոթացնել կազմակերպիչների հետ, ներկայացնել առավելությունները և հնարավորությունները։

Նախագիծը ֆինանսավորվում է Գերմանիայի Տնտեսական Համագործակցության և Զարգացման Դաշնային Նախարարության (BMZ) և Գերմանիայի Բնության Պահպանության Միության (NABU) կողմից և կիրականացվի Բեզոար և Էկո-Գլոբ տեղական բնապահպանական հասարակական կազմակերպությունների կողմից:

Ծրագրի նպատակն է ստեղծել կայուն գյուղատնտեսություն և զարգացնել օրգանական գյուղատնտեսությունը Հայաստանում, աջակցել ֆերմերներին տեղական շուկայում ապրանքների դուրս բերման և միջազգային ցուցահանդեսներում ներկայացման մեջ, Հայաստանի հյուսիսում աղքատության դեմ պայքարի և կենսաբազմազանության պահպանման գործում:

Նախագիծը կազմված է 4 բաղադրիչներից.

• Կենսաբազմազանության և բնական պաշարների պահպանում

• Կոոպերատիվների ստեղծում և աջակցություն

• Օրգանական սերտիֆիկացում

• Շուկայի դուրս բերում

Ծրագիրի շրջանակներում ընտրվել են 32 գյուղ Տավուշի, Գեղարքունիքի և Լոռու մարզերում: Գյուղապետերը և այդ գյուղերի հետաքրքրված ֆերմերները հրավիրվել էին մասնակցելու գիտաժողովներին: Մասնակիցների թիվը ավելի քան 170 էր:

Համաժողովին հրավիրված էին նաև Հայկ Չոբանյանը (Տավուշի մարզպետ), Ռոբերտ Ղուկասյանը (Վարչապետի խորհրդական գյուղական համայնքների զարգացման գծով) և Նարեկ Գրիգորյանը (Գերմանիայի Բնության Պահպանության Միության (NABU) հայաստանյան մասնաճյուղի ղեկավար), ովքեր հանդես եկան ողջույնի խոսքով:

Կազմակերպիչները խոսեցին ծրագիրի մասին: Զեկույցներ եղան նաև Հյուսիսային Հայաստանի կենսաբազմազանության, օրգանական գյուղատնտեսության և դրա ներուժի, կոոպերատիվների ստեղծման պայմանների և էկոհամակարգերի էկոնոմիկայի վերաբերյալ:

Ծրագրի շրջանակներում, ապագայում, ընտրված գյուղերի ֆերմերների հետ կկազմակերպվեն հանդիպումներ և սեմինարներ:

 

Ծրագրի կազմակերպիչներ՝

Գերմանիայի Տնտեսական Համագործակցության և Զարգացման Դաշնային Նախարարություն (BMZ)

Գերմանիայի Բնության Պահպանության Միություն (NABU)

 

Ծրագիրը իրականացնողները.

«Բեզոար» ՀԿ

«Էկո-Գլոբ» ՀԿ