Մարտի 20-21-ը կազմակերպության գրասենյակում տեղի ունեցավ NABU հայաստանյան մասնաճյուղի դեսպանների հետ առաջին հանդիպումը, որի շրջանակներում ներկայացվեց՝
- կազմակերպության գործունեությունն ու առկա ծրագրերը,
- Հայաստանում առկա գիշատիչ թռչնատեսակները
- ֆոտոթակարդների հետ աշխատանքի առանձնատկությունները։
Քննարկվեցին նաև յուրաքանչյուր տարածաշրջանում հնարավոր համագործակցության ուղղությունները։
Կազմակերպության դեսպանները պատասխանատու են լինելու իրենց տարածաշրջանում բնապահպանական ծրագրերի իրականացման, մասնավորապես՝
- թռչունների ուսումնասիրությանն ուղղված դաշտային աշխատանքների,
- Ֆոտոթակարդների միջոցով կենսաբազմազանության ուսումնասիրության աշխատանքների,
- բնապահպանական կրթության տարածման համար։
Հանդիպման ավարտին մեր դեսպանները ստացան ուսումնասիրության համար անհրաժեշտ իրերը, ինչպես նաև հավաստագրեր, ըստ որի՝ իրենք ստանձնում են NABU հայաստանյան մասնաճյուղի դեսպանի կարգավիճակ, հավատարիմ են կազմակերպության կողմից սահմանված բնության պահպանության սկզբունքներին՝ գործելով ՀԱՆՈՒՆ ՄԱՐԴՈՒ ԵՎ ԲՆՈՒԹՅԱՆ։
