Կովկասյան արգելոցը, NABU- Կովկաս ոչ պետական բնապահպանական կենտրոնի հետ համատեղ, կազմակերպեց Պրիզովսկու արգելավայրի տարածքում թռչունների առաջին հաշվարկը: Աշխատանքներին մասնակցում էին նաև NABU- Գերմանիայի և Հայաստանի աշխատակիցները: Դիտարկումներն իրականացվել են հոկտեմբերի 2-ից 6-ը։ Մասնակիցները բաժանվել են խմբերի և իրականացրել են դիտարկումներ Ազով ծովի ափին, լիմաններում, դաշտերում և թռչունների կուտակման այլ վայրերում:
Լիմաններում և ջրանցքերում շարժիչային նավակներով ջրային թռչունների հաշվարկման ընթացքում բացահայտվել է բադերի հսկայական կուտակումներ: Ըստ նախնական տվյալների պարզվել է, որ Կռնչան բադը ամենատարածված տեսակն է ՝ հաշվարկվել է մոտ 25 հազար առանձնյակ: Շատ հետաքրքիր տվյալներ են ստացվել արգելավայրի այլ տարածքների ստուգման ընթացքում: Հայտնաբերվել են արգելավայրի համար այնպիսի հազվագյուտ տեսակներ, ինչպիսիք են Կարմրավիզ սուզակը (նախկինում երկու անգամ է նշվել), Վարդագույն Հավալուսնը (2016-ին առաջին անգամ է գրանցվել արգելավայրում), Տարգալակտուցը, Խայտաբադը, Բզակտուցը, Եղեգնահավը և ջրահովվիկը։ Հանդիպվել են նաև արգելոցի օռնիտոֆաունայի համար նոր թռչունների տեսակներ՝ Երգող կեռնեխը, Սոսնձակեռնեխը և Պարող քարաթռչնակը:
Բացի այդ, արգելոցի դժվար հասանելի տարածքներում իրականացվել են հետազոտություններ անօդաչու սարքի միջոցով: Պարզվել է, որ այդ եղանակով հնարավոր է արդյունավետ իրականացնել ջրլող թռչունների հաշվարկներ: Որոշակի հեռավորության վրա թռչունները տեսանելի են դառնում, և նրանց կարելի է ավելի ճշգրիտ հաշվել, քան նավից իրականացվող հաշվարկի ժամանակ: Առանձին լուսանկարից կարելի է որոշել թռչնի տեսակային պատկանելիությունը: Պարզվել է, որ թռչունները շատ չեն վախենում անօդաչու սարքերից և թռնում են միայն 10 մ-ից պակաս մոտենալու դեպքում:
Ըստ նախնական տվյալների, հետազոտության ընթացքում, գրանցվել է ավելի քան 90 հազար առանձնյակ, որոնք պատկանում են ավելի քան 90 թռչնատեսակի: Վերջնական արդյունքները հայտնի կդառնան տվյալները մշակելուց հետո:
Պրիազովսկու արգելավայրում թռչունների այս գրանցման առանձնահատկությունը ոչ միայն նրա լայնամասշտաբ լինելն էր, այլև այն, որ այն իրականացվել է Թռչունների դիտարկման միջազգային օրվա շրջանակներում: Այս տարի, հոկտեմբերի 5-ին և 6-ին, ամբողջ աշխարհի հարյուր հազարավոր մարդիկ մեկնեցին անտառներ, այգիներ, մարգագետիններ, ճահիճներ, ծովերի և գետերի ափեր՝ իրենց բնական պայմաններում թռչուններին դիտարկելու համար: Բնապահպանական այս գործողությունը ներկայանում է որպես համար հանգստի նոր տեսակ մարդկանց համար: Այն առաջին անգամ անցկացվեց 1993 թվականին՝ Թռչունների Պահպանության Միջազգային Ասոցիացիայի (BirdLife International) նախաձեռնությամբ: Այսօր ակցիային մասնակցում են հարյուր հազարավոր թռչունների սիրահարներ աշխարհի ավելի քան 100 երկրներից:
Լուսանկարները՝ Ալեքսանդր Պերևոզով:
