Ավարտվեց Անգղների միամսյակի շրջանակում դպրոցներում կազմակերպված «Հայաստանի անգղները» դասախոսությունների շարքի առաջին փուլը, որի ընթացքում մենք և մեր անգղները այցելեցինք Երևանում և մարզերում գտնվող 5 դպրոց: Դասախոսությունների ընթացքում երեխաները ծանոթացան Հայաստանում ապրող անգղներին, հասկացան, որ նրանք բոլորովին անվտանգ են մարդկանց և առհասարակ բնության համար, հասցրեցին սիրել նրանց և հայտարարված մրցույթի շրջանակում փորձեցին ներկայացնել, թե ինչպես կարելի է պաշտպանել իրենց սիրելի անգղին:
Աշխատանքների ներկայացման վերջնաժամկետը հոկտեմբերի 20-նն է:
Առաջին փուլի ավարտին տեղի կունենա մեծ թռչնադիտարկում-արշավ, որի ժամանակ էլ կիրականացնենք մրցանակաբաշխությունը:
