«Կրեատիվ լեռներ» ծրագիրը բերքի փառատոնին կներկայանա համապատասխան տաղավարով
Ծրագրի շրջանակներում Հայաստան են ժամանել արտերկրյա բլոգերներ և լրագրողներ, ովքեր, շրջելով ՀՀ գյուղական բնակավայրերով և ծանոթանալով Հայաստանի եզակի մշակույթին, իրենց լսարանին են ներկայացնում դարավոր պատմություն ունեցող մեր երկրի մշակութային եզակի ժառանգությունը։
Ծրագրի գործունեությունն ուղղված է երաժշտության, գաստրոնոմիայի, արհեստների և նյութական ու ոչ նյութական մշակութային ժառանգության այլ ձևերի հանրահռչակմանը, ազգային պարկերի շուրջ տուրիզմի զարգացմանը, ինպես նաև մարկետինգի և հաղորդակցման նոր հմտություններ ձեռքբերմանը։
Ծրագրի տաղավարին մոտենալով՝ կարող եք ծանոթանալ վերոնշյալ ծրագրի շրջանակներում կատարված միջոցառումներին և կարծիքի առաջատարների հետ աշխատանքի մանրամասներին։
Հիշեցնենք, որ «կրեատիվ լեռներ» ծրագիրն իրականացվում է Գերմանիայի բնության պահպանության միության (NABU) հայաստանյան մասնաճյուղի կողմից Machaon International կազմակերպության հետ համատեղ և ֆինանսավորվում է Եվրոպական միության կողմից։
Տեքստը՝ Նարեկ Գրիգորյան, Անի Ավանեսյան
Նկարները՝ Յակուբ Անտիպենկո, Անի Ավանեսյան
Հրապարակումը՝ սեպտեմբերի 6, 2023
Համաֆինանսավորվել է Եվրամիության կողմից։
Այս հոդվածը ստեղծվել է Եվրոպական միության ֆինանսական աջակցությամբ։ Արտահայտված տեսակետներն ու կարծիքները, այնուամենայնիվ, պատկանում են միայն հեղինակներին և պարտադիր չէ, որ արտացոլեն Եվրոպական միության կամ Եվրոպական հանձնաժողովի Կրթության և մշակույթի գործադիր գործակալության (EACEA) տեսակետները: Ո՛չ Եվրամիությունը, ո՛չ EACEA-ն չեն կարող պատասխանատվություն կրել դրանց համար։
