Արմավիրի մարզի Երասխահուն գյուղում կայացավ մեր հերթական էկոկրթական դասընթացը «Արաքսի հովտի ջրաճահճային տարածքների պահպանություն համայնքների ներգրավմամբ» ծրագրի շրջանակներում: Դասընթացների նպատակն է բարձրացնել տեղացի երեխաների, երիտասարդների էկոլոգիական զարգացվածության աստիճանը, որը ապագայում կբերի բնապահպանական դրական արդյունքների:
Այս անգամ դպրոցականների հետ միասին քննարկեցինք թռչունների տեսակային որոշման հիմունքները, ինչպես նաև սովորեցինք ճանաչել մի շարք Կարմիր գրքային կարևոր տեսակների, որոնք բնադրում են կամ միգրացիայի ընթացքում հանդիպում Արաքսի հովտի ճրաճահճային տարածքներում:
«Արաքսի հովտում ջրաճահճային տարածքների պահպանությունը համայնքների ներգրավմամբ» ծրագրն իրականացվում է Գերմանիայի բնության պահպանության միության (NABU) հայաստանյան մասնաճյուղի կողմից՝ Միխայել Օտտո (Michael Otto) բնապահպանական ֆոնդի աջակցությամբ:
