Ավարտվեցին «Տարվա թռչուն 2022- սպիտակ արագիլ» էկոկրթական արշավի շրջանակներում անցկացվող արագիլների մասին դասընթացները։
2022 թվականի ընթացքում մեր թիմը անցկացրեց 48 դաս Շիրակի, Լոռու, Արագածոտնի, Կոտայքի, Գեղարքունիք, Արմավիրի, Արարատի, Վայոց ձորի մարզերի և Երևանի 45 ուսումնական հաստատություններում, որոնց մասնակցեցին 1300-ից ավելի աշակերտներ։ Շնորհակալություն ենք հայտնում դպրոցների աշխատակազմերին ու աշակերտներին՝ ջերմ ընդունելության և ակտիվ մասնակցության համար։ Լիահույս ենք, որ մեր դասընթացները կօգնեն նոր սերնդին լինել ավելի հոգատար և պատասխանատու իրենց շրջակա միջավայրի նկատմամբ։
Նախորդ շաբաթվա ընթացում մեր վերջին դասերն անցկացրեցինք Ջրարբիի միջնակարգ դպրոցում, Ամբերդի միջնակարգ դպրոցում, Գյումրու համար 23 միջնակարդ դպրոցում։ Այս դպրոցներում ևս աշակերտների հետ ակտիվ քննարկումներ ենք ունեցել թռչուններին սպառնացող վտանգների և նրանց պահպանության միջոցառումների մասին։
Հաջորդ տարի մեր կազմակերպությունը կշարունակի էկոկրթական դասընթացներն արդեն 2023 թվականի տարվա թռչնի թեմայով։ Կոչ ենք անում շարունակել հետևել մեր էջին և ակտիվ մասնակցել նաև հաջորդ դասընթացներին։
