Գերմանիայի բնության պահպանության միության (NABU) Հայաստանյան մասնաճուղի աշխատակիցներն այս շաբաթվա ընթացքում երեք թռչնի են օգնություն ցուցաբերել։
28․10 ահազանգ էինք ստացել վիրավոր թռչնի մասին։ NABU Հայաստանյան մասնաճուղի աշխատակիցն անհապաղ ժամանել է թռչնի գտնվելու վայր, պարզել, որ վիրավոր թռչունը Բվեճ է և խնամքով տեղափոխել Երևանի կենդանաբանական այգի։
Ստացված մյուս ահազանգերին արձագանքելով մեր աշխատակիցներն օգնության են հասել նաև Տափաստանային ճուռակին և Սպիտակ արագիլին։ Պարզվել է, որ Սպիտակ արագիլը բախվել է լարերի և ընկել, տեղի բնակիչները ջուր են տվել, կերակրել, մեր մասնագետներիը տեղափոխել են անվտանգ վայր և բաց թողել։ Իսկ Տափաստանային ճուռակը եղել է հյուծված, բավարար խնամք ստանալուց հետո կվերադառնա վայրի բնություն։
Շնորհակալություն ենք հայտնում բնակիչներին անտարբեր չլինելու, և Երևանի կենդանաբանական այգուն՝ համագործակցության համար։
