Ձմեռային հաշվառումներ

Գերմանիայի բնության պահպանության միության (NABU) հայաստանյան մասնաճյուղի թիմը շարունակում է իր աշխատանքները, մասնավորապես՝ իրականացվում են

• սպիտակ արագիլների ձմեռային հաշվառումներ,
• ձմեռող թռչունների կազմի ուսումնասիրության աշխատանքներ «Դիլիջան» ազգային պարկում,
• 2024 թ․ տարվա թռչնի՝ սպիտակապոչ արծվի ուսումնասիրմանն ուղղված աշխատանքներ Հրազդան գետի հարակից տարածքներում և «Սևան» ազգային պարկում:

Այս ուսումնասիրությունները թույլ կտան ստանալու ձմեռող թռչնատեսակների տեսակային կազմի և ձմեռման վայրերում դինամիկայի մասին տեղեկատվություն։

Աշխատանքներն իրականացվում են ազգային պարկերի և ՀՀ շրջակա միջավայրի նախարարության հետ համագործակցությամբ։